Hi Pokoyo, itago niyo na lang ako sa pangalang Randy, 32 anyos, taga Tarlac.
Alam kong maraming babae ang magagalit sa sasabihin ko, pero ito ang totoo. Sa loob ng pitong taon naming pagsasama ng girlfriend ko, pakiramdam ko ngayon... para akong nakakulong. Hindi ko na siya mahal. Hindi na ako naa-attract sa kanya. At oo, aminin ko na, meron akong kinikita ngayon kaibigan niya, mas bata ng pitong taon sa kanya, mas maalaga sa sarili, makinis ang balat, mabango, maganda ang katawan at higit sa lahat... masarap kasama.
Hindi niya ito alam, at sa totoo lang ay may itsura din ako at maputi.
Yung girlfriend ko ngayon? Wala na siyang gana sa buhay. Tumaba na siya, parang wala nang porma, palaging nakapambahay kahit lalabas kami. Parang wala na siyang pakialam kung paano ko siya tinitingnan o kung napapahiya ba ako kapag magkasama kami sa labas. Ang hirap maglakad sa mall na kasama mo ang babaeng parang hindi na siya yung minahal mo noon. Ang totoo niyan, minsan naiinggit ako sa ibang lalaki na kasama ang mga sexy at maayos magdala ng sarili. Ako? Parang laging bigo.
Pero ito ang problema: halos lahat ng gamit sa bahay namin mula sa sofa, kama, dining set, ref, hanggang TV sa kanya galing. Siya ang bumili, gamit ang pera na iniwan ng yumaong lola niya. Under her name lahat. Kung iwan ko siya ngayon, baka walang matira saken kundi ang pader. Ayoko namang dalhin ang bago kong girlfriend sa isang bahay na parang bodega ng alaala ng dating pangit kong buhay. Gusto ko, maganda ang simula namin. Maayos, kumpleto sa gamit. Kasi siya ang karapat-dapat sa ginhawa ngayon, hindi yung ex kong nawalan ng porma.
Ang iniisip ko ngayon, paano ko kaya magagawa na siya ang kusang umalis at iwan lahat ng gamit? Ayoko rin naman maging masyadong masama. Gusto ko lang mabawi yung “bayad” ko sa lahat ng taon na tiniis ko siya. Hindi madali magpanggap na okay ang lahat habang naiilang ka na sa sariling partner mo.
Bakit kapag lalaki ang nang-iwan, kontrabida agad? Pero kapag babae ang iniwan ang lalaking nagpaaral sa kanya, nagpalaki, nagsakripisyo tapos iniwan dahil nakahanap ng mas mayaman normal lang? Sasabihin pa ng mga kaibigan, “Deserve niya maging masaya.”
Eh ako? Hindi ko ba deserve maging masaya? Hindi ko ba deserve sundin ang puso ko ngayon na nagsasabing dito na ako sa babaeng maganda, sexy, at mas masaya kasama?
Kaya heto ako ngayon, humihingi ng opinyon. Masama ba akong tao kung gusto kong ako ang maiwan sa bahay at siya ang umalis, kahit siya ang bumili ng mga gamit? Masama bang pilitin siyang mag-move out para lang mabigyan ko ng magandang buhay ang babaeng gusto ko ngayon?
Hindi ko siya niloko. Oo, may karelasyon ako ngayon, pero hindi ko siya inabuso. Kung tutuusin, siya pa nga ang nalamangan kasi ilang taon ko siyang tiniis kahit halos wala na akong maramdaman. Ngayon, gusto ko lang makawala.
Kayo na ang humusga. Pero sa totoo lang, pagod na ako magpanggap. At kung ang kalayaan ko ay may presyo eh 'di isama na niya ang gamit, pero sana may paraan... para makuha ko kahit ilan sa mga ‘yon.
Kasi kung tutuusin... parang ako rin ang nawalan ng lahat.
Dummy account ako kahit i-bash nyo ako. Pero babasahin ko lahat ng comments niyo saken sa real account.
Comments
Post a Comment